Zäme a eusem gheime Gruppeplatz spannendi Stunde erläbe, überem Füür Spaghetti mache und dänn mit de Händ ässe oder eusi sälber gmachte Sioni-Popcorn probiere, sich miteme Sportler uf d’Winterolympiade vorbereite oder vo 3 indianische Experte alles übers Füür mache lehre… das alles und viiles meh, das ish d’Meute Sioni!!!
I eusere Meute chan jede Bueb mitmache wo zwüsched 6 und 11 Jahr alt isch. Jede Samstignamitag hend mer erlebnisrichi Aktivitäte und erlebed/lerned/unternemed verschiedeni cooli Sache! Gleitet wird d’Meute Sioni vom Gian Röthlisberger v/o Forte, Loris Zürcher v/o Kenai, Ronja Amacher v/o Kimara und Larissa Trüb v/o Kepaia.
Nebed dem gits natürli jedes Jahr es Pfi-La (Pfingstlager) und es Wuchelager im Herbst oder Summer, wo immer wieder en Höhepunkt im Pfadijahr isch.
Falls Ihr Interesse hend zum schnuppere, chönnd ihr eus jeder Ziet kontaktiere.
Mir freued eus immer über neui Mitglieder!