- D’Meute Wildsau isch d’Buebä Pfadigruppä vo dä Gmeind Gossau. Die Gruppä isch für alli Buebä wo zwüsched 7 und 11 Jahr alt sind. Mir händ jedä Samstig ä Üebig vo mindistends 2 Stundä. Meistens sind mir im Wald. Im Winter gits under anderem ä Guezlibach-Aktion, ä Samichlaus-Üebig und ä Waldwiehnacht.
I jedem Jahr gits es Pfi-La(Pfingstlager) und äs He-La(Herbstlager) bzw. So-La(Sommerlager) mit allnä us dä Wolfsstufe. Es gaht i dä Pfadi vor allem drum, neui Fründä kännä z’lernä, öppis über d’Natur z’erfahrä, neui Fähigkeitä z’erlangä und natürlich ganz viel Spass z’ha. Während dä Wölfliziit lerned d’Kindä sich in ä rä Gruppä zrechtzfindä, öppis ohni d’Elterä z’erläbä, im Rahmä ihrer Möglichkeitä Verantwortig für sich, d’Gruppä und die anderä Wölfli z’übernäh. Ihri Fortschritt werdet mit verschiedenä Abzeichä belohnt. (1-Stern, 2-Stern, 3-Stern Wolf und Leitwolf).